NYUMBANI KWAO TITO

Nyumbani kwao Tito ni hadithi inayoeleza maisha ya kila siku ya mtoto Tito akiwa nyumbani kwao na shuleni. Anasoma Darasa la Tatu. Tito ana wadogo zake Koku na Kemi. Watoto hawa watatu na wazazi wao ni familia nzuri ya kuigwa. Kitabu kinaonyesha shughuli za Tito kuanzia anapoamka asubuhi hadi saa ya kulala usiku. Shughuli zake kabla ya kwenda shule, akiwa shuleni, anaporudi nyumbani, malezi kutoka kwa wazazi wake, anavyojishughulisha na kilimo na ufugaji, anavyotunza afya yake na moyo wake wa shukurani kwa wazazi na walimu. Inafaa watoto na wazazi wakisome kitabu hiki.