MAGONJWA YA MISHIPA YA UBONGO

Kitabu hiki kinatoa maarifa muhimu kuhusu magonjwa yanayoathiri mishipa ya damu ya ubongo, ambayo ni miongoni mwa visababishi vikuu vya vifo na ulemavu duniani. Mwandishi anaeleza muundo na kazi za mishipa ya ubongo, sababu za magonjwa hayo, dalili za awali, mbinu za uchunguzi, tiba za kisasa, huduma za dharura, pamoja na hatua za kinga. Kitabu hiki pia kinaangazia magonjwa kama kiharusi cha kuziba mishipa, kiharusi cha kupasuka kwa mishipa, aneurizimu na matatizo mengine ya mzunguko wa damu katika ubongo. Vilevile, kinatoa ushauri wa kitaalamu kuhusu lishe bora, mazoezi, udhibiti wa shinikizo la damu, kisukari, mafuta mengi kwenye damu, pamoja na kuacha uvutaji sigara na matumizi mabaya ya pombe ili kupunguza hatari ya kupata magonjwa haya. Kimeandikwa kwa mtindo unaofaa kwa wanafunzi, walimu, wahudumu wa afya, wagonjwa, walezi na jamii kwa ujumla, pia ni rejea muhimu kwa yeyote anayetaka kuelewa, kuzuia na kushughulikia magonjwa ya mishipa ya ubongo kwa ufanisi. Mwandishi ameandaa kazi hii kwa lengo la kuongeza uelewa wa jamii na kuhamasisha kinga, utambuzi wa mapema na matibabu sahihi ili kuokoa maisha na kuboresha afya ya Watanzania.