JIFUNZE UFUGAJI BORA WA NGURUWE

Ufugaji wa Nguruwe ni shughuli inayoweza kumwondoa mfugaji kwenye umaskini, kuipa familia yake kitoweo chenye viinilishe muhimu na kutunza mazingira. Nguruwe huzaa mara mbili kwa mwaka na kwa kila uzao huzao kuzaa vibwagara hadi ya kumi na viwili (12) na hata zaidi. Hii ina maana ya nguruwe 24 kwa mwaka. Aidha, vibwagara huongezeka uzito haraka sana ukilinganisha na mifugo mingine. Huongezeka gramu 500 hadi 700 kwa siku moja na hivyo kufikia uzito wa kuchinjwa, yaani, kilo 60 - 90, kati ya miezi 6 na 8 iwapo atatunzwa vizuri. Hii pia itamwezesha mfugaji kujipatia kipato kizuri ndani ya kipindi kifupi.