HAKI ZA WATOTO NA WAZAZI PAMOJA NA MAKOSA YA KUJAMIIANA

Watoto hawakujileta duniani. Wameletwa na wazazi wao. Kama msemo ulivyo, kazi si kuzaa, bali kuwatunza vizuri watoto tulio-wazaa na kuwapatia haki zao. Haki hizo ni pamoja na kutunza vizuri mimba zao, kuzaliwa salama, kupewa matunzo mazuri wanayoyastahili, kama vile, kupewa chanjo zote, lishe nzuri, matibabu yanayotakiwa, kupewa elimu nzuri, kutofanyiwa vitendo vya kikatili, kupewa fursa ya kucheza, kupendwa, kupewa mavazi na kupewa mahali pazuri pa kuishi n.k Katika kitabu hiki, mwandishi (pichani) anaelezea vizuri na kwa ufasaha, kwa njia ya Maswali na Majibu, Haki za Watoto na Wazazi pamoja na Makosa ya Kujamiiana. Hiki ni kitabu kizuri sana na muhimu kwa Watoto, Wazazi, Walezi, Mahakimu, Mawakili, Viongozi na Wanaharakati wa Haki za Watoto nchini. Kisomeni ili kujipatia elimu iliyomo.